Ministri i jashtëm rus Sergej Lavrov, është shprehur se Rusia i ka bërë ftesë SHBA-së dhe BE-s që ta kuptojnë përgjegjësinë e tyre për zbatimin e rezolutës së KS-it të OKB-s dhe të ndikojnë tek liderët e Kosovës që të ndalin sipas tij provokimet kundër Serbisë.
“Ftojmë Uashingtonin dhe Brukselin që të ndikojnë në Prishtinën që ta kuptojnë përgjegjësinë për zbatimin e rezolutës së Këshillit të Sigurimit, e cila është miratuar së bashku me SHBA-n dhe Evropën dhe t’i detyrojnë shqiptarët e Kosovës që ta ndalin politikën e tyre provokuese dhe konfrontuese”.
Lavrov në konferencën e përbashkët me ministrin e jashtëm serb, Ivica Daçiç në Moskë, ka theksuar ndër të tjera se Rusia nuk do të lejojë që Këshilli i Sigurimit që ta ndryshojë mandatin e Kombeve të Bashkuara në Kosovë.
