Deputeti Lefter Maliqi doli në një deklaratë publike nga Kuvendi ku i bën thirrje ndërkombëtarëve të distancohen nga kryeministri Edi Rama.
Sipas tij partnerët më të besueshëm në vend janë presidenti Ilir Meta dhe kryetarja e LSI-së Monika Kryemadhi.
“Ndërkombëtarët duhet të distancohen. Po merr në qafë fatet e vendit. Ka mashtruar, kriminalizuar vendin dhe po e shpopullon vendin. Të nderuar ndërkombëtarë dhe seli diplomatike. Shikoni realitetin si është. Mos i besoni Edi Ramës.
Maliqi tha se Rama duhet “shporrur” dhe bëri thirrje për vijimin e protestave.
Lefter Maliqi: “Ky kryeministër duhet shporrur një herë e mirë. Ka dëme e mëkate të mëdha ndaj miqve dhe SHBA. Ne duhet të shporrim këtë të keqe të madhe dhe të çlirojmë elektoratin e PS. Ka shkatërruar reformën elektorale.”