Ish-kryeministri Sali Berisha ka deklaruar se ish-deputetit të PS-së, i akuzuar për aferën e inceneratorëve, iu është hequr akuza e “korrupsionit”, duke theksua se “ai ishte përgjegjësi direkt për aferën e 3 djegësave”.

Berisha u shpreh se Alqi Bllakos “nuk i është prekur asnjë qindarkë nga pasuria e tij, më rezulton se e kanë akuzuar për shpërdorim detyre dhe jo për korrupsion, dhe ky është një akt i shëmtuar, një akt i turpshëm”.

Ndërsa u shpreh se ish-ministri i Mjedisit, Lefter Koka “ishte hajdujt i dobishëm” dhe nuk ka keqardhje për të.

“Lefterin nuk e kishte për gjë ai. Lefteri ishte ‘Ladro Utile’ (Hajdut i dobishëm). Dhe mirë ia bënë, nuk kam asnjë keqardhje. Por në ministrinë e Lefterit, Alqi është personi përgjegjës direkt për të gjitha aferat, për të tre djegësat”, tha Berisha.

Sali Berisha: Çështje tjetër që nuk mund të dalë kurrë nga rendi i ditës është çështja e djegësave.

Erion Veliaj, jo vetëm që nuk hapet ndjekje penale ndaj tij, por ndikon në mënyrën më antiligjore në dënimin e Alqi Bllakos.

Duhet t’u them unë ju këtu, nga pikëpamja zyrtare, për aq sa është firmë, në nivelin e tij, Alqi Bllako është më përgjegjës se çdo njeri tjetër në aferën e djegësave.

Në aferën e ndjekësave është sekretari i përgjithshëm i të gjithë çorbës së djegësave.

Dhe Alqi Bllako, do studioj të gjithë dispozitivin, por disa informacione më thonë se e kanë çliruar fare nga akuza e korrupsionit.

Nuk jam i sigurt. Nëse jam gabim, do e tërheq. Por informacionet e para më thonë se nuk është dënuar për korrupsion. Nuk i është prekur asnjë qindarkë nga pasuria e tij.

Alqi Bllako ishte njeriu më i ngushtë i Erion Velisë. Lefterin nuk e kishte për gjë ai. Lefteri ishte Ladru Utile. Dhe mirë ia bënë, nuk kam asnjë keqardhje. Por në ministrinë e Lefterit, Alqi është personi përgjegjës direkt për të gjitha aferat, për të tre djegësat.

Alqi është, po të hyjmë këtu në librarinë time dixhitale, do shihni se si flasin për njëri-tjetrin Erion Veliaj dhe Alqi Bllako, si dy idilistë. Se si e përcjell Erion Veliaj, me Alqi Ballakon, se tani po na bëhet deputet. Shërbeu këtu, tani do shërbejë atje.

A ndërhyri Erion Veliaj? Unë dëshirë kam të akuzoj Edi Ramën, por në këtë rast unë nuk mund të bëhem, nuk mund të devijoj. Është Erion Veliaj.

Tani më rezulton se e kanë akuzuar për shpërdorim detyre dhe jo për korrupsion. Dhe ky është një akt i shëmtuar, një akt i turpshëm.

Akuzon për korrupsion, dhe absolutisht është e drejtë, Arben Ahmetajn pse përfaqësuesi i tij në komision ka votuar pro, në një kohë kur të gjitha këto janë bërë nën mbikëqyrjen direkte të Alqi Bllakos.

U ndala te Alqi, jo se për të tjerët nuk kam, por ky është më flagranti.

Qëndrimi ndaj Alqit, prokurori apo gjykatësi se duhet t’i sqaroj, po njeriu që e ka çliruar Alqin nga vepra e korrupsionit, është një kriminel i korruptuar kokë e këmbë dhe kurrë ndonjëherë nuk do i shpëtojë ligjit për këtë veprim që ka bërë.

Drejtësia vonon, por nuk harron. Ju e morët vesh që shefi i OLAF-it u dënua me një vit burg se manipuloi dosjen Vlahutin të denoncuar nga ne.

E denoncuam, e hetoi edhe Parlamenti Europian. E përshëndes nxjerrjen e saj nga komisioni me ceremoni. Por ajo duhej të ishte në vend të shefit të saj. Por shefi i vet, nuk e di si ia mori zoti mendtë dhe vendosi të bëjë dënimin në vend të Vlahutinit. Cherchez la femme. Klasike!

“”

Subscribe kanalin tonë në Youtube për të mos humbur asnjë video të re
Berati TV Live Kliko