Jeta na tregon se marrëdhëniet midis vjehrrave dhe nuseve vijnë në të gjitha nuancat, nga dashuria dhe miqësia, deri te rivaliteti dhe grindjet. Kur Rachael Boley, nënë e 3 djemve të vegjël, postoi një letër për nuset e ardhshme të djemve në blogun e saj, ajo mori një përgjigje të përzemërt nga shumë gra.
Pasi lexuan letrën, disa prej tyre rrëfenin se ato qanë sepse gjithmonë dëshironin të kishin një vjehrrë të tillë të kujdesshme dhe mirëkuptuese. Të tjerat thanë se ishin po aq të lumtura që e lexuan këtë edhe si nuse që ishin.
Ne do të ndajmë letrën e Rachael me lejen e saj, dhe shpresojmë që edhe ju të mund të gjeni diçka që lidhet me ju në këto fjalë prekëse.
Një letër për rejat e mia të ardhshme
“Dikush kohët e fundit më pyeti se çfarë burrash shpresoja që djemtë e mi të bëheshin kur të rriteshin. Unë mendoj për këtë çdo ditë.
Edhe pse kur i shikoj djemtë e mi tek ata shoh foshnjat e mia, unë nuk po rris foshnja. Po rris burra. Burra që një ditë do të bëhen baballarë dhe bashkëshortë. Disa nga rolet më të rëndësishme në ekzistencë. Është detyra ime si nëna e tyre t’i rris ata me aftësitë e nevojshme për të dalë në botë dhe për t’i përmbushur ato role mirë. Çdo ditë të jetës jam e bekuar me këta djem, jam e përkushtuar ndaj kësaj përgjegjësie.
Kështu që…
Për nuset e ardhshme të djemve të mi,
Kam disa gjëra që dua t’ju them. Kjo nuk mund t’i mbulojë të gjitha, por për fat të mirë, e kemi ca kohë.
Unë nuk të njoh akoma, por tashmë, të dua. Unë të dua shumë sepse një ditë, do të duash djalin tim. Dhe ai do ta kthejë atë dashuri.
Do të vijë një ditë që ky djalë i vogël i dhënë pas meje, do të jetë i joti. Ai do të jetë gjithmonë i imi, por ju do të zini vendin tim në shumë mënyra.
Një ditë dora jote do të zëvendësojë timen. Sytë e tu do të jenë paqja e tij dhe zemra jote do të jetë shtëpia e tij.
Do të jetë ai që të jep puthjen e natës së mirë.
Do të jesh ajo me të cilën ai ndan ëndrrat e tij.
Do të jesh ti që e ngushëllon kur ai ka frikë.
Do të jesh ti që ndjen zemrën e tij. E njëjta zemër që rreh ndaj gjoksit tim ndërsa e mbaj çdo natë.
Një ditë e dashur, kjo do të jesh ti.
Unë gjithmonë mendoja se do të kisha një vajzë. Tani e di që je ti. Unë dua që të dish se unë lutem për ty çdo ditë, ashtu siç lutem për djemtë e mi.
Tani për tani, ju jeni gjithçka për prindërit tuaj ashtu siç djemtë e mi janë gjithçka për mua.
Unë lutem që ti të jesh e lumtur. E Kënaqur. Të kesh mbështetje dhe besim. Unë lutem që ti të jesh mësuar ta duash veten në rradhë të parë sepse pa atë dashuri të fortë, nuk do të jetë e mundur t’i duash të tjerët sa duhet. Unë lutem që të të vërtetohet çdo ditë se çfarë dhurate je. Unë lutem që nëse ai mesazh humbet disi nga ata përreth teje, ti gjithmonë ta dish se Zoti të shikon, Ai e sheh princeshën e Tij.
Unë po e rris djalin tim që ai të të shohë në të njëjtën mënyrë.
Lutem që të kuptosh vlerat e tua dhe që të respektosh veten. T’i respektosh të tjerët njësoj. Unë lutem që të mos kesh frikë të ngresh zërin, por që ta përdorësh atë për të folur të vërtetat e jetës; jo vetëm për veten dhe të tjerët me të cilët ndeshesh, por edhe për djalin tim. Burrat kanë nevojë që ju të flisni gjuhën e jetës me to.
Unë dua që ta dish se megjithëse do të bëj shumë gabime, unë jam e përkushtuar për të rritur djalin tim për të të respektuar ty. Unë nuk mund të marr merita të plota ose fajësim për bukurinë e tij ose të metat e tij. Vetë nëna ime ma mësoi këtë.
Ai është burrë. Ai ka individualitetin e tij. Do ta kuptosh atë kur një ditë, edhe ti do ta njohësh atë më mirë se kushdo tjetër në botë. Jepi atij hapësirë për të qenë vetvetja, dhe unë do ta mësoj atë të bëjë të njëjtën gjë për ty.
Ai nuk do të të plotësojë. Dhe nuk do ta plotësosh. Vetëm Zoti mund ta bëjë këtë. Por unë ju lutem që të korrigjoni njëri-tjetrin dhe ta inkurajoni njëri-tjetrin të jeni edhe më mirë së bashku se sa vetëm.
Unë premtoj të të afroj tek unë. Të ndaj sekretet dhe njohuritë e mia për të, në mënyrë që të mund ta duash më shumë. Kur të vijë koha, unë do të besoj zemrën e tij, ashtu sikur do t’ia besosh atij tënden. Unë nuk e marr lehtë këtë shkëmbim të zemrës dhe lutem që as ti.
Unë po e rris atë për të kuptuar vlerën e zemrës së një gruaje. Kjo është e pazëvendësueshme dhe nëse thehet njëherë, nuk mund të kthehet përsëri ashtu siç ishte më parë.
Kjo nuk është gjithmonë një gjë e keqe, por nëse ne mund ta shmangim atë, unë nuk dua që djali im të jetë ai që të theu zemrën. Unë gjithashtu dua që të mbash mend se ai nuk mund të jetë ai që do ta shërojë atë. Përsëri, vetëm Zoti mund ta bëjë atë. Por unë do ta rris djalin tim për të ushqyer përgjithmonë dhuratën që ti je dhe dashuria juaj është. Unë do ta mësoj atë të kuptojë vlerën tënde. Për të nderuar dhe respektuar ty siç bën dhe ti.
Unë përpiqem t’i rris djemtë e mi në atë mënyrë që ata të mësojnë se si të jenë të fortë, por megjithatë edhe të ndjeshëm. Të guximshëm, por të përulur. Të guximshëm dhe të patrembur, por pa frikë të kërkojnë ndihmë. Sepse ata janë udhëheqës, por edhe dinë të ndjekin.
Lutem që ai të të udhëheqë mirë dhe të kuptojë se çfarë nderi është për të qenë në atë rol. Unë lutem që ai të të shërbejë, por që kurrë të mos përfitosh nga sakrifica e tij.
Lutem që ai të kuptojë plotësisht rolin e tij si njeri dhe që ai të jetojë jetën e tij me integritet, nder, përulësi, ndershmëri, besim dhe humor. Lutem që ai të ndjekë ëndrrat dhe pasionet e tij dhe që asgjë të mos e pengojë atë, përfshirë edhe ty. Unë lutem njësoj për ju.
Unë jam e përkushtuar që ta rris djalin tim të jetë i pavarur dhe kurrë të mos kërkojë tek ti nënën e tij sepse unë do ta kem luajtur mirë në atë rol. Unë zotohem të jem plotësisht e pranishme për të. Për ta mësuar atë që duhet të dijë për gratë dhe sa të veçanta janë ato.
Unë premtoj ta rris në atë mënyrë që ai të kujtojë gjithmonë se ti je vajza e dikujt dhe se i përket atij pasi t’i përkisje Zotit dhe prindërve të tu.
Lutem që çdo ditë ta duash djalin tim, dashuria juaj të bymehet dhe të rrjedhë. Unë lutem njësoj për të. Shpresoj që ju të dy të ndërtoni një jetë së bashku, që të mos harroni kurrë se si u ndërtua ajo jetë. Qëndroni të fortë së bashku. Do të keni nevojë për njëri-tjetrin në këtë jetë. Megjithëse unë po e mësoj atë të dëshirojë ty më shumë sesa të ketë nevojë, do të ketë raste që ai do të të ketë nevojë për ty. Dhe ti do të kesh nevojë për të. Ji aty për të.
Mbështetni njëri-tjetrin. Duajeni njëri-tjetrin. Zgjidhni njëri-tjetrin.
Zhurma e botës do të jetë e fortë. Nuk do të jetë gjithmonë e lehtë. Mund të ketë ditë që ti ta shikosh atë dhe të vësh në dyshim çdo vendim që ke marrë ndonjëherë. Në ato momente, unë lutem që ti do të biesh përsëri në themelin që ndërtuat së bashku dhe të kujtosh pse zgjodhe të qëndrosh aty.
Unë të premtoj që çdo ditë, do t’i mësoj djalit tim këto mësime të njëjta. Do të mbjell fara dashurie në zemrën e tij çdo moment. Unë premtoj t’i tregoj atij se si të kujdeset për veten e tij. Si të bëjë punë shtëpie, dhe të mos presë kurrë që ti t’i bësh të gjitha. Si të jetë partneri yt. Unë premtoj të nxis ndjeshmërinë e tij ndërsa vlerësoj forcën e tij. Për ta mësuar atë si të jetë i hapur dhe të mbajë fjalët kur ato derdhen nga buzët dhe duart e tij. Unë premtoj ta mësoj se si të të mbajë. Te të dojë. Ashtu siç je. Të shohë për atë që je jo për atë që mund t’i ofrosh.
Unë premtoj ta rris atë që të jetë i mjaftueshëm brenda vetes, në mënyrë që ai të jetë i mjaftueshëm për ty.
Kemi shumë vite para se të takohemi. Por çdo ditë nga tani e më pas, unë do të lutem për ty. Unë do të të dua. Dhe kur të takoj, do të të dua edhe më shumë se tani. Sepse do ta duash djalin tim. Dhe ti do të bëhesh vajza ime “.
/shkollaesuksesit.com
