Një atentat i dështuar mësohet të jetë shënuar në Durrës.
Akil Nerjaku është personi që është tentuar të ekzekutohet me snajper në zonën e plazhit, por fatmirësisht ka shpëtuar.
Mësohet se ai është qëlluar sapo ka dalë nga një automjet i blinduar tip “Benz G-Class”.
Akil Nerjaku rezulton të jetë një emër i njohur për policinë dhe drejtësinë, pasi rezulton me precedent të mëparshëm penal.
Shënjestra e atentatit ka thënë para policisë se nuk njeh askënd që mund të tentojë t’i bëjë atentat.
Plumbi ndërkohë mësohet që të ketë kapur një mjet të rastit, i cili ishte parkuar në atë zonë.
Deri tani, nuk ka asnjë reagim zyrtar nga ana e policisë apo prokurorisë së Durrësit.