Libanezët mbajtën një protestë në kryeqytetin Bejrut kundër kostos së jetesës së shkaktuar nga kriza ekonomike dhe zhvlerësimi i monedhës vendase.
Protestuesit, që u mblodhën në pjesë të ndryshme të qytetit, dogjën goma, bllokuan disa rrugë kryesore dhe hodhën parrulla që dënonin përkeqësimin e kushteve të jetesës dhe krizën e karburantit.
Nga ana tjetër, forcat e sigurisë ndërhynë në protestë, duke hapur një autostradë të bllokuar.
– Kriza ekonomike në Liban
Ekonomia e Libanit, që ka një strukturë shumë të brishtë për sa i përket ndarjeve politike të bazuara në fe dhe sekte të ndryshme, po përjeton krizën më të madhe që nga lufta civile e viteve 1975-1990.
Monedha vendase, lira libaneze, tregtohet me çmime të ndryshme me zhvlerësim në banka dhe tregun e zi, edhe pse Banka Qendrore mban konstant kursin e këmbimit. Ndërsa norma zyrtare e përcaktuar nga Banka Qendrore ishte 1.507 dhe norma aktuale në banka ishte 3.900 lira, sot dollari tregtohej në mbi 15 mijë lira në tregun e zi.