Fathi Bashaga i cili u zgjodh kryeministër nga Dhoma e Përfaqësuesve në Tobruk, që ndodhet në lindje të Libisë, u largua nga qyteti pas përleshjeve të armatosura pasi mbërriti në kryeqytetin Tripoli.
Pasi Bashagaa arriti në Tripoli natën, shpërthyen përleshjet midis mbështetësve të Qeverisë së Unitetit Kombëtar të udhëhequr nga Abdulhamid Dibeybe dhe grupeve të armatosura që mbështesin Bashaga-n.
Duke folur për AA, burimet e Qeverisë së Unitetit Kombëtar njoftuan se Brigada 444 e Ministrisë së Mbrojtjes ka siguruar largimin e sigurt të Bashaga-s nga qyteti pas përleshjeve.
Në një deklaratë me shkrim nga zyra e shtypit e qeverisë Bashaga, konfirmohet ai dhe disa anëtarë të kabinetit të tij janë larguar nga kryeqyteti Tripoli.
Në deklaratë thuhet se Bashaga u largua nga qyteti “për të përmbushur angazhimin e tij për të filluar punën në mënyrë paqësore në kryeqytetin Tripoli, si dhe për të parandaluar gjakderdhjen dhe sigurinë e qytetarëve”. Gjithashtu thuhet se Bashaga falënderoi gjithashtu forcat e sigurisë që punojnë në Tripoli.
Bashaga, i cili u zgjodh kryeministër nga Dhoma e Përfaqësuesve në Tobruk në shkurt, në një video-mesazh që publikoi natën njoftoi se kishte mbërritur në kryeqytetin Tripoli.
Në mesazhin e tij, Bashaga tha: “Falendëroj Zotin, arritëm në kryeqytet. Mirëpritja ishte shumë e mirë. Mesazhet e urimit nuk kanë të ndalur prej tre orësh. Nesër do të mbajmë një konferencë për shtyp dhe do të bëjmë deklarata. Do t’i bëjmë thirrje popullit libian”.
Qeveritë Bashaga dhe Dbeibeh
Pasi zgjedhjet presidenciale dhe parlamentare në Libi nuk mund të mbaheshin më 24 dhjetor 2021, Dhoma e Përfaqësuesve në Tobruk zgjodhi Bashaga-n si kryeministër në një seancë ku shumica e deputetëve në perëndim të vendit nuk morën pjesë.
Kryeministri i Qeverisë së Unitetit Kombëtar të Libisë, Abdul Hamid Dbeibeh, akuzoi Dhomën e Përfaqësuesve për largim nga udhërrëfyesi i përcaktuar në Marrëveshjen e Gjenevës dhe deklaroi se ai ishte në krye dhe do t’ia dorëzonte detyrën vetëm një qeverie të zgjedhur.
Në vend kanë ekzistuar dy qeveri të veçanta të udhëhequra nga Dbeibeh dhe Bashaga për rreth 3 muaj. Kjo situatë ngre shqetësimin se Libia do të tërhiqet sërish në një zonë dhune.
Burimi: AA
