Halife Haftar, udhëheqësi i forcave të armatosura të paligjshme në lindje të Libisë, është dënuar me vdekje për sulmin ndaj Kolegjit të Forcave Ajrore në Misrata.
Në Libi, Zyra e Prokurorit Ushtarak tha në një deklaratë se një ushtar nga Qeveria e Pajtimit Kombëtar u vra në një sulm ajror në vitin 2019 në Kolegjin e Forcave Ajrore në qytetin Misrata.
Sipas deklaratës, në përfundim të gjykimit në rastin e lidhur me sulmin, krahas Halife Haftar me dënim me vdekje u ndëshkuan edhe shefi i Shtabit Abdurrezzak En-Nazuri, komandanti i Forcave Ajrore Sakr Al-Jarushi dhe gjeneral brigade Abdusselam Al-Hasi.
Gjykata vendosi që Haftar dhe komandantët e tij duhet të përjashtohen nga ushtria, thuhet në deklaratë, duke shtuar se vendimi gjithashtu i privon ata përgjithmonë nga të drejtat e tyre civile.
