Nisma shumë e debatuar për legalizimin e kanabisit për qëllimë mjekësore do të votohet në seancën e fundit për këtë sesion parlamentar.
Partia Socialiste thotë se do të ndryshojë të enjten kalendarin e punimeve për të shtuar këtë projektligj, i cili do të kalojë në komisionet parlamentare brenda dy javëve.
Në 13 korrik është programuar të votohet paketa e njohur si “anti-Meta” ose despiunizimit, e cila u nxit nga një dyshim se Ilir Meta mund të ishte i përfshirë. Socialistët janë të bindur se kanë edhe votat e një pjese të opozitës.
Në të njëjtën ditë, në Kuvend është thirrur për të raportuar edhe Autoriteti i Dosjeve, me Genta Sulën, e cila ishte e para që vuri në lëvizje Kuvendin për këtë cështje, pasi kishte marrë informacion se Ilir Meta, ish president i republikës, kishte bashkëpunuar me sigurimin e shtetit.
Kuvendi i dha Autoritetit të drejtë që të hetonte Metën dhe këdo që më parë ishte certifikuar nga komisionet Mezini a Bezhani, duke e hequr barrierën ligjore.
Por deri më tani, autoriteti nuk ka dalë me konkluzion nëse Ilir Meta kishte qënë apo jo bashkëpunëtor i sigurimit të shtetit.
Në Kuvend, edhe PD kërkon një lustracion të plotë, por shanset që nisma të miratohet, janë të ulta.