Prokuroria e Tiranës ka nisur hetimet lidhur me një kallëzim që Agjensia e Mbikëqyrjes Policore ka bërë ndaj strukturës së forcave operacionale.
Mësohet se kallëzimi është bërë për një lidhje interneti që është zbuluar në godinën e tyre dhe dyshohet se përdorej nga agjentë të forcave operacionale.
Kjo linjë dyshohet se ishte e pa deklaruar dhe është përdorur për të mos lënë gjurmë në IP në momentin që një agjent kryente veprime nga ajo linjë interneti.
Nga veprimet e para hetimore dyshohet se linja e internetit ka qenë e instaluar në godinën qendore të forcave operacionale prej më shumë se një viti.
Kallëzimi në prokurori është bërë për shpërdorim detyre dhe përdorim i linjave të paautorizuara.
