Kryeministri Edi Rama, nga Berati ka komentuar listën e Partisë Demokratike për Tiranën, të cilën e cilësoi si një bunker për opozitën.
“Po të shihnin listën e mbyllur në Tiranë, ajo është për opozitë, ata janë që të gjithë bashkë të fillojnë “na i vodhën, na i vodhën, na i vodhën, na i morën, na i morën, na i morën”, dhe të mos kontestojnë fare situatën e kënetës”, tha Rama.
Sipas tij, këto aleanca janë të krijuara vetëm në funksion të një individi privat, për problemet e tij private, duke nënkuptuar këtu, kryedemokratin Sali Berisha, për të cilin tha se “ai e di shumë mirë, është i humbur, i vdekur, i pakallur politikisht”.
Rama u ndal gjithashtu te listë e Beratit, duke shprehur habi për mungesën e deputetit Tomorr Alizoti.
“Po shihja listën e Beratit, se kuptova, ku është Tomorr Alizoti të paktën, Tomorri ku ka ikur! Më duket sikur kishin heq ndonjë çmimin Nobel, as Tomorrin nuk e sollën më në Berat”, tha ai.
Në fund, Rama u shpreh se opozita do marrë një mesazh të fortë, duke thënë: “ne duhet tua bëjmë Nocin këtu, si kukurec Poliçani”.
Rama: Që kur lanë Kujtim Gjuzin në listë të hapur, u zhgënjeva. Bën atë listën e mbyllur si bunker, po ta shohësh, lista e mbyllur e Tiranës i thotë të gjitha, është një bunker për opozitë. Nëse hynin në mendjen e njerëzve në territorin e Shqipërisë, ka një mendje që i di më mirë se të gjitha mendjet që do humbasi, është mendja e bufit. Ai e di shumë mirë, është i humbur, i vdekur, i pakallur politikisht. Nëse hyn të mendja e Lulit, ai e di që do fitojë.
Po të shihnin listën e mbyllur në Tiranë, ajo është për opozitë, ata janë që të gjithë bashkë të fillojnë “na i vodhën, na i vodhën, na i vodhën, na i morën, na i morën, na i morën”, dhe të mos kontestojnë fare situatën e kënetës. Kaq! Ajo është një aleancë në funksion të një individi privat, për problemet e tij private. Demokratëve u duhet thënë.
Po shihja listën e Beratit, se kuptova, ku është Tomorr Alizoti të paktën, Tomorri ku ka ikur! Më duket sikur kishin heq ndonjë çmimin Nobel, as Tomorrin nuk e sollën më në Berat. E dinë që do humbin. Unë mendoj se ne duhet tua bëjmë Nocin këtu, si kukurec Poliçani.
