Kryeministri i Kosovës, Albin Kurti në fjalën e tij në Kuvendin e Kosovës, ka deklaruar se lista serbe i ka braktisur institucionet në veri dhe parlamentin. Sipas Kurtit, zyrat kanë qenë të boshatisura deri në momentin që kryetari i zgjedhur është drejtuar në zyrën e tij.

 

Ndër të tjera ka thënë se banda kriminale janë organizuar për të eskaluar situatën.

 

“Nuk ka nevojë ta quajnë hyrje me forcë në ndërtesë se është e Kosovës. Nuk hyn policia më forcë në ndëretsë të vet.

 

Nuk ka pasur asnjë arsye të futete me forcë në ndërtesë për ata që e shohin momentin kur hyn kryetari. Ndërtesa ishte e blinduar dhe nuk dëshironin të hynin askush .Lista serbe i ka braktisur institucionet në veri dhe parlamentin.

 

Ndërtesat kanë qenë të zbrazta por të blinduara. Ata e kanë braktisur institucionin. Në momentin kur hyn kryetari blindojnë ndërtesën.

 

Policia e Kosovës këtë aset e merr në kontroll një aset të braktisur prej atyre që shtiren se zgjedhjet ishin ilegale apo jo legjitime.

 

Banda kriminale u kthyen të organziuar për të eskaluar situatën”, tha Kurti.

Subscribe kanalin tonë në Youtube për të mos humbur asnjë video të re