Gjykata e Apelit ka vendosur të lërë në fuqi vendimin e shkallës së parë për Lulzim Bashën dhe dy zyrtarë të tjerë demokrat.
Shkalla e parë vendosi në muajin janar të pushojë cështjen ndaj kryedemokratit I cili akuzohej për falsifikim dokumentash. Të njëjtin vendim e la sot në fuqi edhe Apeli.
Pushimi I cështjes vlen edhe për dy personat e tjerë të akuzuar, Arben Ristani dhe Ilir Dervishajt.
Prokuroria i akuzoi tre zyrtarët e opozitës për falsifikim dokumentash lidhur me kontratat e lobimit të PD-së në Shtetet e Bashkuara të Amerikës në shumën e 675 mijë dollarëve.
Këtë shumë, Kompania e Nik Muzin pohoi se i ka marrë nga tri pagesa në vitin 2017 për veprimtari lobuese në dobi të Partisë Demokratike.
Partia Demokratike, sipas prokurorëve, nuk i deklaroi këto pagesa, i falsifikoi dokumentat dhe pranon vetëm një pagesë 25 mijë dollarësh.
Por organi I akuzës fillimisht u tërhoq nga akuza e pastrimit të parave dhe I qëndroi vetëm falsifikimit të dokumentave, akuzë e cila u rrëzua nga Gjykata , shkalla e parë dhe Apeli për mungesë provash.