Demokracia e Re në Greqi ka shënuar një tjetër triumf zgjedhur pas zgjedhjeve europiane, duke fituar zgjedhjet lokale, e marrë qytete si Athina apo Selaniku, e në tërësi shumicën e krahinave të vendit.
Simbol i kësaj fitoreje është Kostas Bakojanis, 41 vjeç, Athinës, i konfirmuar si kreu i ri i Bashkisë së Athinës.
I biri i Dora Bakojanis, gruaja e parë që në vitin 2003 u zgjodh kryetare bashkie e kryeqytetit grek, Kostas Bakojanis është një anëtar i brezit të tretë të familjes politike greke të së djathtës.
Ai është nipi i ish-kryeministrit Konstandin Micotaqis (1990-1993 dhe nipi i presidentit aktual i Demokracisë së Re, Kyriakos Mitsotakis, rivali kryesor Alexis Tsipras në zgjedhjet e ardhshme parlamentare.
Kostas Bakojan premtoi para turmës në selinë e tij kryesore në qendër të Athinës se do të “punonte 24 orë në ditë për të gjithë athinasit”.
Disfata e së majtës në zgjedhjet evropiane dhe lokale zhvillohet pas një mandati 4-vjeçar të Syriza-s me Aleksis Tsipras kryeministër, me planin e një daljeje të vendit nga programi i asistencës financiare në gusht të vitit të kaluar.
Tsipras ka thirrur zgjedhje të parakohshme për më 7 korrik, fill pas disfatës në zgjedhjet europiane, dhe, këto lokale gjithashtu të humbura, rrezikojnë seriozisht vijimin e pushtetit të tij.