Një lokal dhe një banesë janë përfshirë nga flakët në Tiranë.
Foto ilustruese
Policia thotë se rreth orës 03:25, dyshohet se si pasojë një defekti teknik ka rënë zjarr në lokalin në pronësi të shtetasit E. A.
Si pasojë lokali është djegur plotësisht. Ndërkohë po punohet për sqarimin e plotë e rrethanave të rastit.
Po ashtu paraditen e kësaj të diele, rreth orës 09:45, ka rënë zjarr në katin e tretë të një banese në Shkozë.
“Si pasojë janë shkaktuar vetëm dëme materiale. Shërbimet e Policisë bënë evakuimin e banorëve dhe sëbashku me grupin hetimor po punon për përcaktimin e shkakut të zjarrit”, thotë policia.