Një aksident ka ndodhur rreth orës 10:00 të mëngjesit të kësaj të premte në aksin rrugor Lezhë – Balldre, ku një person ka mbetur i plagosur dhe po dërgohet drejt spitalit të Traumës.
Aksidenti ka ndodhur për shkak se një lopë ka dalë në rrugë dhe në tentativë për ta shmangur, drejtuesi i motorrit ka humbur kontrollin e mjetit duke u rrëzuar dhe për pasojë ka marrë plagë të rënda.
Mungesa e mbrojtseve të rrugëve bën që akset që përshkojnë Lezhën të vijojnë të mbajnë emërtimin si rruga e “vdekjes”!
