Lëvizja Socialiste për Integrim dhe Partia Republikane dorëzuan sot kërkesën në KQZ për tu rregjistruar në zgjedhjet e 30 Qershorit.

Pas kësaj, kreu i Grupit Parlamentar të PS-së Taulant Balla tha se heziton të bëjë një koment për opozitën, ndërsa deklaroi se janë të ofruar për dialog vetëm për Reformën në Zgjedhore.

Socialisti theksoi se përballja e ardhshme elektorale është për zgjedhjet e përgjithshme të 2021-shi

“Zgjedhjet e 30 qershorit ishin një moment i rëndësishëm ku fitoi qytetaria, fitopi ligji, fitoi Kushtetuta e vendit dhe mendoj që mos ta bëjmë më qesharake sjelljen e opozitës dhe do të hezitoja të bëja ndonjë koment lidhur me ato që informoni ju sepse zgjedhjet e 30 qershorit janë zhvilluar, kanë përfunduar.

Të zgjedhurit prej tyre qofshin këta kryetarë të bashkive apo anëtarë të këshillave bashkiakë, kanë marrë detyrën tashmë ose janë duke marrë detyrën edhe në këtë moment që flasim bashkë. Kështu që nuk kam asnjë koment për halle të pazgjidhshme të përfaqësuesve, siç citoni ju të opozitës.

Ajo që dua t’ju them është që dora jonë është e shtrirë për të bashkëpunuar pikë së pari me opozitën në parlament për të adresuar tërësisht rekomandimet e OSBE-ODIHR por edhe të KiE që lidhen me një reformë zgjedhore gjithëpërfshirëse me qëllim që zgjedhjet e përgjithshme të vitit 2021 të zhvillohen me një kod zgjedhor që ka adresuar të gjitha rekomandimet në 3 zgjedhjet e fundit”, deklaroi Balla.

Subscribe kanalin tonë në Youtube për të mos humbur asnjë video të re