Një grup fëmijësh në Gjirokastër kanë kryer një aktivitet me të vërtetë të bukur dhe bamirës për fëmijët në nevojë.
Fëmijët janë mbledhur për të luajtur muzikë me vegla muzikore. Disa të tjerë kanë ngritur një stendë dhe kanë ofruar ushqime tradicionale, ndërsa disa të tjerë kanë ofruar lodra ne shitje me çmime simbolike.
Kishte dhe nga ata fëmijë që kishin vizatuar piktura. Qëllimi i këtij aktiviteti bamirës ishte mbledhja e sadopak fondeve në ndihmë të qendrës së fëmijëve në qytet.
“Ne kemi bërë disa punime dhe duam t’i shesim ato, Paratë do t’ja japim fëmijëve në nevojë”-tha një vajzë, pjesë e aktivitetit bamirës.
Aktiviteti bamirës i fëmijëve grumbulloi një shumë fondesh të cilat do të shkojnë për qendrën terapeutike të fëmijëve në qytet, ku trajtohen rreth 70 fëmijë nga i gjithë qarku Gjirokastër.
Fotot janë shkëputur nga një kronikë e Top Channel, të cilën mund ta shikoni këtu