“Jam i bindur që ajo pakicë që është me Bashën do të bindet një ditë që t’i bashkohet forcës sonë politike, ose të largohet se janë mbi 70% e PD që janë pro kësaj lëvizjeje dhe janë për ndryshimin e për zgjedhje”.
Kështu u shpreh deputeti demokrat Luan Baçi në studion e Debatit me Alba Alishanin, ku kërkoi nga kreu aktual demokrat shpalljen e zgjedhjeve të reja.
“Bashës i kërkojmë të shpallë zgjedhjet me rregulla si të dojë dhe është i zgjidhur problemi”.
Duke theksuar se problemi në Partisë Demokratike filloi me mbylljen e dyerve, ai tha se veprimet e Bashës janë në fund të kohës së tij dhe duhet të hapë zyrat për të nisur puna e të gjithë demokratëve për të mundur Ramën.
“8 janari ishte dita e parë e punës së komisionit të rithemelimit. Nuk ishte dhunë, por thirrje për bashkëpunim. Nëse dyert e PD do të ishin të hapura do hynte Komisionit i Rithemelimit dhe do të fillonte punën dhe do thërriste; rroftë PD e bashkuar, por duke gjetur dyert e blinduara çfarë mund të bënin demokratët dhe ne, të hapësh dyert me forcë nuk është dhunë, por hapje e derës së shtëpisë sonë.
Problemi fillon te mbyllja e dyerve. Problemi fillon te mbyllja e dyerve thyerjet e xhamave kanë filluar nga brenda për t’ u rënë demokratëve mbi kokë. Veprimet e Bashës janë në fund të kohës së vet nuk ka mundësi të rezistojë. Zyrat duhet të hapen të fillojë puna i duhen të gjithë demokratë dhe nëse e do PD dhe nëse ka respekt për ata demokratë që i ka pasur në krah 8 vjet rresht. Të gjithë bashkë ne duhet të mundim Ramën, por duhet të vazhdojmë punën tonë”, tha ai.
