1.2 milionë dollarë është shifra që Shtetet e Bashkuara të Amerikës kanë vendosur që të ndihmojnë Shqipërinë për të fituar përballjen me koronavirusin.
Lajmin e ka bërë të ditur ambasadorja e SHBA në Tiranë, Yuri Kim. Përmes një postimi në “Twitter”, ambasadorja shprehet se kjo ndihmë do të shkojë për përgatitjen e sistemeve laboratorike, aktivizimin dhe mbikëqyrjen e rasteve të reja të infektuar, ekspertët, etj.
“Fondi amerikan për të ndihmuar Shqipërinë të luftojë COVID-19 arrin në 1.2 milionë dollar, duke e çuar në 693 milionë dollarë ndihmën totale të SHBA për Shqipërinë në 20 vitet e fundit. Kjo shumë do të ndihmojë në përgatitjen e sistemeve laboratorike, aktivizimin dhe mbikëqyrjen e rasteve, mbështetjen e ekspertëve teknikë”, shkruan ambasadorja Kim.
Update: US funding to help Albania fight #COVID19 now totals $1.2M, building on >$693M in total assistance over last 20 yrs. This will help prepare lab systems, activate case surveillance, support technical experts, bolster risk communications. https://t.co/y8Mgb1hqcR https://t.co/nRpSG9EapG
— Ambassador Yuri Kim (@USAmbAlbania) April 17, 2020
