Kandidati i koalicionit “Bashkë Fitojmë”, Shkëlqim Hoxha në një lidhje telefonike për Panorama TV ka reaguar për vendimin e Kolegjit Zgjedhor, i cili vendosi që në këtë bashki të përsëriten zgjedhjet, ku tha se fushata e tij do të jetë dhe më e egër.
Lidhur me situatën e opozitës dhe garën e hapur në PD për lidershipin e ri, Hoxha tha se demokratët duhet të bashkohen në mënyrë që të gjejnë një zgjidhje që kënaq të gjitha palët.
Pjesë nga biseda:
Situata në PD?
Nuk më vjen mirë që ta shoh partinë time të ndarë, shpresoj që liderit do e gjejnë mirëkuptimin dhe një zgjidhje që do kënaqë të gjitha palët e të jemi një.
Bashën e shikoni si një emër favorit për të përfaqësuar PD?
Liderët duhet të diskutojnë, përçarja nuk na çon askund. O reagojnë ose do rrinë të presim me vite, fushata e 14 majit e tregoi, nuk është gjendja reale kjo në popull. Populli ka urrejtje, rezultati nuk reflekton gjendjen reale të votave. Do jetë fushatë më e egër, programin tim e kam shpallur në fushatë.