Lulzim Basha thotë se pa ndëshkuar politikanët që kanë vjedhur zgjedhjet nuk ka drejtësi.

Përmes një postimi në facebook, kryedemokrati shkruan se pa ndëshkimin e Dakos dhe politikanëve që sipas tij transformuan  zgjedhjet në bashkëpunim me krimin e organizuar, nuk do të ketë demokraci dhe as drejtësi!#ShqipëriaSiEuropa.

“Vangjush Dako është i paprekshëm. Vodhi zgjedhjet me krimin e organizuar për pushtetin e Edi Ramës.” citohet në videon që kreu i PD ka publikuar bashkëngjitur statusit të tij, ndërsa sjelle dhe një herë në vëmendje vendimin e DASH që i ndalon Vangjush Dakos e familjes së tij hyrjen në SHBA.
 
 “SHBA ndëshkon Vangjush Dakon për korrupsion. Vangjush Dako nuk është hetuar për asnjë rast korrupsioni. Ai mbrohet nga Edi Rama. Pa ndëshkimin e Dakove që vodhën zgjedhjet, nuk do të ketë demokraci dhe as drejtësi.” citohet më tej në videon e kryedemokratit Lulzim Basha.

Subscribe kanalin tonë në Youtube për të mos humbur asnjë video të re