Kameramani i ish-kryeministrit Sali Berisha, dhe më pas për 6 vite kameraman i Lulzim Bashës është pushuar nga puna.
Bëhet fjalë për Igli Zelën i cili është shkarkuar dje me justifikimin e ristrukturimit që po ndodh në PD.
Mirëpo, sipas zërave në PD, ai është shkarkuar për një foto me zëdhënësen e Berishës, Erla Mëhillin dhe miqësinë me këtë të fundit, shkruan Newsbomb.
Pikërisht kjo foto i ka kushtuar 14 vite punë Zelës.
Ndërkaq, lidhur me këtë, ka komentuar dhe vetë Erla e cila shkruan se “PD është bërë parti bolshevike, po mendove ndryshe, po guxove të flasësh të pritet koka”.
‘Ata duan të presin koka, por deri tani vetëm prerje flokësh kanë bërë se s’janë të zotët për më shumë’, shkruan më tej Fabian Topollaj.
Kujtojmë se Erla Mëhilli u shfaq dy ditë më parë duke pirë kafe me Jozefina Topallin, një ditë pas statusit të kësaj të fundit ku ‘fshikullonte’ Bashën.
