Presidenti francez Emanuel Macron, i cili prezantoi programin e tij zgjedhor, në funksion të ofertës së tij për rizgjedhje për presidencën franceze, e përshkroi krizën ukrainase si një “elektroshok” për NATO-n.

Macron u pyet nëse ai bëri një gabim në vitin 2019, kur ai e përshkroi NATO-n si me “trurin e vdekur”. Në këtë kontekst, ai theksoi se kur bëri deklaratën situata ishte e tillë, pasi mungonte qartësia strategjike, ndërsa iu referua Turqisë që kërcënonte “një shtet tjetër anëtar”, duke iu referuar qartë Greqisë.

Zhvillimet në Ukrainë ishin një elektroshok për Aleancën, tha Macron, duke theksuar nevojën për një politikë evropiane të sigurisë. Megjithatë, ai përfundoi duke thënë se kurrë nuk e kishte menduar që Franca të largohej nga NATO. 

Subscribe kanalin tonë në Youtube për të mos humbur asnjë video të re