Një automjet ka marrë flakë brenda tunelit në rrugën Kardhiq–Delvinë, në rrethana ende të paqarta, duke shkaktuar bllokim të qarkullimit në të dy drejtimet.
Sipas burimeve nga vendngjarja, zjarrfikëset e Sarandës, Delvinës dhe Gjirokastrës janë nisur menjëherë për në tunel, ku po punojnë për shuarjen e flakëve dhe sigurimin e zonës.
Po ashtu, forca të shumta policie ndodhen në vendngjarje për të menaxhuar trafikun dhe për të shmangur rrezikun për automjetet e tjera.