Një aksident është regjistruar në orët e mbrëmjes së sotme në aksin rrugor Korçë-Pogradec, në afërsi të fshatit Lumalas.
Një makinë, ka përplasur një këmbësor, i cili ka qenë duke kaluar në anë të rrugës.
Shoferi, pas përplasjes u largua menjëherë nga vendngjarja, duke e lënë qytetarin të shtrirë në mes të rrugës.
Pas përplasjes së parë, makinat e tjera që kanë qenë duke lëvizur në rrugë, duke mos e ditur që ishte njeri, e kanë goditur disa herë.
Ai u dërgua menjëherë në spital në gjendje të rëndë për jetën, por për shkak të plagëve të marra ndërroi jetë.
Policia ka mbërritur në vendngjarje dhe po punon për zbardhjen e shkaqeve të aksidentit dhe identifikimin e shoferit.
