Një makinë u përplas në turmat që festonin Vitin e Ri në një rrugë festash në New Orleans dhe dyshohet se kanë humbur jetën 10 persona.
Shoferi thuhet se goditi një grup në kryqëzimin e rrugës Bourbon dhe Iberville rreth orës 3:15 të mëngjesit me orën lokale, raportoi WGNO .
Ndërkohë policia e New Orleans nuk e ka konfirmuar ende numrin e viktimave, por disa gazetarë lokalë duke cituar burime të departamentit të policisë raportojnë se mund të ketë deri në 10.
Ndërsa një burrë, i cili pretendoi se ishte dëshmitar i incidentit teksa ishte në Rrugën Bourbon me gruan e tij, shkroi në X se ai pa një makinë duke ‘shpejtuar’ në rrugë dhe ‘duke përplasur njerëzit’.