Pas gjashtë muajsh ndërprerje për shkak të koronavirusit, një ditë më parë në vendin tonë ka nisur viti i ri shkollor 2020-2021.
Ky është një vit ndryshe nga vitet e mëparshme për shkak të pandemisë e cila ka përfshirë gjithë botën.
Institucionet përkatëse herë pas here kanë bërë thirrje prindërve dhe autoriteteve në institucionet shkollore që të jenë të kujdesshëm ndaj respektimit të masave anti-Covid.
Ministrja e Shëndetësisë Ogerta Manastirliu këtë të martë përmes një postimi në rrjetet sociale, bën thirrje prindërve që të ndërgjegjësojnë fëmijët që të mbajnë maskën dhe të kujdesen për respektimin e masave mbrojtëse ndaj Covid.
POSTIMI:
Në Shkollë të sigurt
Të dashur prindër! Vendosja e maskës është shumë e rëndësishme për të kufizuar përhapjen e infeksionit të shkaktuar nga COVID19!
Ti mësojmë fëmijët tanë të përshtaten me rregullat e reja:
Kujdesi për higjienën
Ruajtja e distancës
Mos harroni maskën!
Për çdo shqetësim, koordinatori i shëndetit në çdo shkollë.