Ish-ministri i Drejtësisë, Ylli Manjani ka komentuar iniciativën e PS-së, e cila kërkon të ngrejë një komision parlamentar për të hetuar Presidentin e Republikës, Ilir Meta për shkelje të Kushtetutës.

Për juristin Manjani, pretendimet që ka ngritur Partia Socialiste për shkakrimin e kreut të shtetit nuk kanë bazë ligjore.

“Presidenti ka ku mbrohet dhe mbrohet mirë. Mua më shqetëson ai qytetari ku s’ka ku të mbrohet.

Nuk shkarkohet [Meta]…. për shkaqet që thotë mazhoranca”, tha ai.

Duke folur nga studioja e “Ilva Now” në Euronews Albania, z. Manjani tha se presidenti Meta duhet të japë dorëheqjen për këtë arsye:

“Unë mendoj se ai duhet të japë dorëheqjen, sepse e ka premtuar atë.

Ai ka vënë bast publik se nëse Edi Rama merr 70 mandate jep dorëheqjen. Nëse do të çlirojë skenën politike duhet të mbajë fjalën”, tha ai.

Popullor në Komunitet
Subscribe kanalin tonë në Youtube për të mos humbur asnjë video të re