Ylli Manjani thotë se në rast se do të ishte në garë për t’u zgjedhur kryetar i Partisë Demokratike do ta niste këtë proces duke takuar Sali Berishës.
Sipas tij, ndikimi i z. Berisha në PD është i padiskutueshëm dhe thotë se edhe ish-kryeministri i intereson forcimi i PD-së dhe kolegjialitetit të partisë.
“Po të isha kandidat nuk do ta kisha nisur këtë proces me një kafe me Sali Berishës dhe pa e bërë publike këtë gjë.
Sa të jetë gjallë Sali Berisha, të marri frymë, kushdo të jetë kryetari i PD nuk ka shans të jetë i shkëputur nga hija apo ndikimi i Sali Berishës.
Berisha vazhdon të jetë lider, e ka të lindur atë ai. Influenca normale, njerëzore, politike e një lideri të lindur në partinë që ka drejtuar vetë është prezente dhe të mos kemi asnjë iluzion se u shkëputën nga e shkuara”, shprehet z. Manjani.
Duke e krahasuar me atë që ka ndodhur në Partinë Socialiste, z. Manjani tha se z. Edi Rama arriti që të fitonte përballë Fatos Nanos duke treguar lidership.
“Nuk është i njëjti skenar si Nano-Rama, Rama erdhi si një lider i lindur imponoi respekt, ndërsa Nano tregoi një lodhje.
Shumë i zgjuar pa diskutim por përballë një lideri si Edi Rama, zgjodhi tërheqjen dhe ishte mëse normale. Kurse këtu në PD është e kundërta”, tha ish-ministri i Drejtësisë.