Franca po bashkohet me stërvitjet ushtarake nga Italia, Greqia dhe Qipro në Mesdheun lindor, në një kohë të përshkallëzimit të mosmarrëveshjeve midis Turqisë dhe Greqisë për burimet e energjisë në rajon, tha ministri Francez i Mbrojtjes, Florence Parly.
“Mesdheu Lindor po shndërrohet në një zonë tensioni. Respektimi i ligjit ndërkombëtar duhet të jetë rregulli, jo përjashtimi”, tha Parly në Tëitter, duke shtuar se Mesdheu nuk duhet të bëhet “një tokë provuese për ambiciet e dikujt”.
Franca, siç njoftoi, do të dërgojë tre aeroplanë luftarakë të tipit Rafale dhe një anije luftarake me një helikopter për manovrat e përbashkët, raporton Reuters.
“Mesazhi ynë është i thjeshtë: përparësi i është dhënë dialogut, bashkëpunimit dhe diplomacisë, në mënyrë që Mesdheu mindor të bëhet një zonë e stabilitetit dhe respektimit të ligjit ndërkombëtar,” përfundoi ministri i Mbrojtjes i Francës.
Më parë, u njoftua se Greqia, Franca, Italia dhe Qipro do të zhvillonin një stërvitje të përbashkët ushtarake në jug të Kretës nga e mërkura deri të premten, njoftoi Ministria greke e Mbrojtjes.
Një burim ushtarak grek tha të martën se forcat ajrore të vendit po kryejnë ushtrime pranë Kretës, Karpathos dhe Kastelloriz, në të cilat marrin pjesë vetëm forcat greke.
Përveç Greqisë, stërvitjet ushtarake në jug të Kretës po zhvillohen edhe nga Turqia.
Zbulimi i depozitave të mëdha të gazit në Mesdheun lindor vitet e fundit ka ngjallur tensione të mëdha midis Ankarasë dhe Athinës, të cilat diskutohen për kufijtë në zonë.
