Sekretari i Shtetit i SHBA-së, Marco Rubio, bëri një deklaratë tronditëse në një dokumentar të ri rreth UFO-ve, jo vetëm duke konfirmuar ekzistencën e tyre, por edhe duke zbuluar aktivitetet e tyre të fundit.
Rubio e trajtoi temën në dokumentarin e ri The Age of Disclosure, në të cilin ai i zbulon regjisorit Dan Farah se janë regjistruar “raste të përsëritura të diçkaje që vepron në hapësirën ajrore mbi instalimet bërthamore të klasifikuara”.
Përveç Rubios, filmi përfshin dëshmi nga 34 zyrtarë të lartë nga qeveria amerikane, ushtria amerikane dhe komuniteti i inteligjencës.
“Këto janë fenomene mbinatyrore që kryejnë manovra të papara më parë”, thotë përfaqësuesi André Carson (D-Kaliforni), një anëtar i Komitetit të Përhershëm të Zgjedhur të Dhomës së Përfaqësuesve për Inteligjencën, në trailerin e dokumentarit.
Ndërkohë, Jay Stratton, i përshkruar si ish-kreu i task forcës së qeverisë për fenomenet ajrore të paidentifikuara, ka pretenduar se ka parë “automjete jo-njerëzore” dhe “qenie jo-njerëzore” me sytë e tij.
Dokumentari The Age of Disclosure, i cili u shfaq premierë më parë këtë vit në festivalin e filmit SXSW, do të publikohet zyrtarisht në Prime Video më 21 nëntor.