Temperaturat e ulta dhe bora në shumë zona të vendit japin idenë se deti është ideal vetëm për ditët e nxehta të verës. Në fakt është e vërtetë deri diku, pasi dhe vetë mundësitë që ofron bregdeti janë tepër të kufizuara në këtë periudhë. Pikërisht këtë situatë parashikohet ta përmbysë porti i ri i jahteve në Vlorë.
Këtë e konfirmon Ervin Bacaj, i cili menaxhon projektin e Marinës Vlorë, siç emërtohet saktësisht porti turistik që pritet të ngrihet. Do të jetë një impiant i madh modern, ku do të ankorohen mjete lundruese turistike, nga jahtet e vegjël deri tek anije magjepsëse. Standardet do të jenë ndërkombëtare, por risi e mirëfilltë do të jenë dhe shërbimet e larmishme që do të ofrohen në ambientet e Marinës pavarësisht stinëve.
Nisur nga modeli i marinave në vendet e ndryshme të Europës dhe atyre në vendet fqinjë me ne, Marina Vlorë do të ketë hapësira për aktivitete kulturore dhe artistike në çdo periudhë të vitit. Funksionalitet e marinës do të jenë të ndërthurura me zhvillimin e zonës. Qytetarët do të kenë mundësi të ndalen tek Marina Vlorë, madje edhe të nisen me synim të përcaktuar dhe të bëhen pjesë e ngjarjeve që organizohen aty. Shërbimet si bar dhe restorant, por edhe gjithë të tjerat, do të jenë gjatë gjithë vitit në dispozicion të kujtdo që frekuenton bregdetin e jugut. Interesimi ka filluar tashmë – shprehet entuziast Ervini.
Gjithçka duket e realizueshme po të kemi parasysh se vlera e përgjithshme e investimit do të jetë 2,8 miliardë lekë, e shpërndarë në tre-katër vite, kurse të ardhurat që do t’i sjellë ekonomisë së qytetit kur të fillojë funksionimi, planifikohen të jenë rreth 4,3 milionë euro në vit. Nëse shtojmë edhe shërbimet mbështetëse që ofrojnë marinat në përgjithësi, vlera totale për komunitetin do të kalojë 20 milionë euro në vit.
në Facebook, klikoni Join Group
…
/faxweb
