Prezenca e OSBE-së në Shqipëri ka përshëndetur miratimin në Kuvend të paktit të 5 Qershorit.
OSBE konsideron kyç zbatimin e kësaj reforme, ndërsa shprehen të gatshëm të ndihmojnë autoritetet e vendit në këtë rrugë.
Me tej i bëhet thirrje palëve që të vijojnë dialogun për reforma të mëtejshme
Reagimi i OSBE:
Mirëpresim miratimin e ndryshimeve në Kodin Zgjedhor, sot, në Kuvendin e Shqipërisë, në përputhje me marrëveshjen që palët arritën më 5 qershor dhe mbështetur në rekomandimet e OSBE/ODIHR-it. Si me çdo reformë tjetër, zbatimi është kyç. Ne mbetemi te gatshëm t’i ndihmojmë autoritetet shqiptare në këtë rrugë, si edhe për zhvillimin e hapave të tjerë të reformës. U bëjmë thirrje të gjitha palëve të vijojnë dialogun për reforma të mëtejshme.