Në Komisionin e Sigurisë, i cili është zhvendosur online, për shkak të bllokimit që iu nga opozita, ë diskutohet për marrëveshjen me Italinë për emigratët.
Në fjalën e tij, ministri i Brendshëm, Taulant Balla është shprehur se kjo qendër do të ndërtohet totalisht nga pala italiane, ndërsa Këshilli i Ministrave ka vendosur t’i vendos në përdorim të përkohshëm, palës italiane një sipërfaqe pasurore shterore.
Ai shton po ashtu Shqipëria, rikonfirmon pozitën si një aleat i besueshëm i ndërkombëtarëve.
Balla bën me dije se sa i përket rrezikut që mund të paraqesë ardhja e emigrantëve dhe masat për sigurinë, ai tha se edhe ky është një detyrim i palës italiane, e cila duhet të garantojë mbajtjen brenda strukturave të të gjithë emigrantëve.
Balla: Qendër që do të ndërtohet tërësisht nga pala italiane me shpenzime të palës italiane.
Protokolli paraqet rëndësi edhe për Shqipërinë, jo vetëm sa i përket thellimit të bashkëpunimit me Italinë, por edhe sepse mirëmenaxhimini i emigrantëve të parregullt është një çështje që paraqet interes dhe në fakt Shqipëria vlerësohet nga Bashkimi Evropian dhe aktorët e tjerë, si një vend që ka ditur të marrë masat e duhura dhe jo më larg se javën e kaluar kam pasur mundësinë të jem në Bruksel, për luftën kundër emigracionit të paligjshëm, ku Shqipëria u rendit ndër vendet që ka bërë hapa konkretë.
Kjo bën që vendi ynë të rikonfirmohet po ashtu si një aleat i besueshëm te ndërkombëtarët.
Këshilli i Ministrave merr përsipër t’i vendosë në përdorim të përkohshëm qeverisë italiane një sipërfaqe pasurore shtetërore për ngritjen e strukturave ku do të akomodohen emigrantët e parregullt.
Me rëndësi është fakti se të gjithë shpenzimet i përkasin palës italiane, e cila do të paguajë edhe çdo kosto shtesë që mund t’i vijë Shqipërisë gjatë këtij procesi.
Sa i përket rrezikut që mund të paraqesin ata në vendin tonë, pala italiane ka për detyrim ruajtjen e rrezikut brenda kampi dhe po ashtu ka detyrim të kujdeset dhe të garantojë që ata do të mbeten brenda strukturave.
