Ish-kryeministri Sali Berisha ka deklaruar se opozita do e çojë në Gjykatën Kushtetuese marrëveshjen e firmosur në Romë mes Giorgia Melonit dhe Edi Ramas për emigrantët nga Afrika.
Për mediat, pas mbledhjes me deputetët, Berisha tha se kjo marrëveshje është në shkelje të të drejtave dhe lirive të njeriut.
“U vendos që kjo betejë pa kthim të vazhdojë me horizonte të reja. U diskutua dhe po shkohet drejt…përveç vazhdimit. Sa i përket marrëveshjes së emigrantëve do të përgatitet teksti për Gjykatën Kushtetuese, pasi mendojmë se firma e Edi Ramës është antikushtetuese. Mendojmë se marrëveshja shkel të drejtat dhe liritë e individit”, tha Berisha.
