Ministri i Brendshëm, Taulant Balla gjatë një komunikimi për mediat u pyet edhe për një marrëveshje të mundshme ekstradimi me Emiratet e Bashkuara Arabe.
Balla tha se ata janë në kontakt të vazhdueshëm me autoritetet në Emiratet dhe i falënderoi për identifikimin dhe gjetjen e personave që kërkohen nga drejtësia.
Ministria shtoi se pas disa javësh do të zhvillojë një vizitë në Emiratet e Bashkuara Arabe për të finalizuar një marrëveshje, që ku vend të mos jetë më një oaz shpëtimi për personat që kanë probleme me drejtësinë.
Balla: Para disa muajsh edhe ju e besonit qe mund të identifikojmë dhe ndalojmë persona edhe ne vendet ku nuk kemi marrëveshje ekstradimi.
Gjej rastin te falenderoj autoritetet e Emirateve të Bashkuara, lidhur me identifikimin dhe gjetjen e personave që kërkohen nga drejtësia dhe gjej rastin të nënvizoj për publikun një përgjigje, që shpesh e bëjnë, se përse policia po merret me persona që nuk jetojnë në Shqipëri, apo janë në këtë vende përfshirë edhe Emiratet. Unë mendoj se llogaridhënia duhet të jetë e njëjtë.
Sa kohë që ka një vendim gjykate apo është në kërkim, detyra e policisë është ta gjejë dhe ta vendosë përpara drejtësisë.
Në po punojmë me Emiratet për të vendosur një marrëveshje ekstradimi. Pas disa javësh do të jem në Emiratet e Bashkuara Arabe ,për të finalizuar një marrëveshje që të na mundësonte që edhe ky vend të mos jetë më si një oaz shpëtimi për ata që kanë probleme me drejtësinë.