Rreth 50,000 njerëz u mblodhën në Madrid të dielën për masa që do të parandalonin largimin e popullsisë rurale në Spanjë, një çështje që ka tërhequr vëmendjen e partive më pak se një muaj që nga zgjedhjet parlamentare në vend.
Përfaqësuesit e partive ishin gjithashtu të pranishëm në tubim për të tërhequr votat për zgjedhjet e planifikuara për 28 prill.
Protesta u ndoq edhe nga përfaqësues të qeverisë, duke përfshirë ministrat e ekonomisë, Nadia Calvino, të Ekologjisë, Teresa Ribera Rodriguez dhe Bujqësisë, Luis Planas.
Marshi nën sloganin “Revoltimi i Spanjës së Zhdukur” u organizua nga grupe nga zonat rurale spanjolle.
Në Spanjë, aktualisht 90 për qind e popullsisë është e përqendruar në 30 për qind të territorit, kryesisht në Madrid dhe pjesët bregdetare të vendit.
Kjo do të thotë se 10 për qind e popullsisë është vendosur në pjesë të mëdha të territorit brenda vendit.