Skip to content

Mbi 1 ton drogë drejt Greqisë, lihet në burg Bashkim Murataj

Ndajeni këtë artikull me të tjerë duke klikuar ikonat më poshtë

Gjykata e Posaçme e Apelit ka lënë në fuqi vendimin e Shkallës së Parë për dënimin e Bashkim Muratajt, të dënuar me 10 vite e 8 muaj heqje lirie për kryerjen e veprave penale të “Trafikimit të narkotikëve” mbetur në tentativë, kryer në bashkëpunim, në kuadër të grupit të struktuar kriminal.

 

58-vjeçari është arrestuar më 11 Gusht të vitit 2021 nga policia pasi ndaj tij ishte caktuar masa e sigurisë “arrest me burg” në mungesë.

 

Murataj rezulton i implikuar në ngjarjen e datës 13.12.2019, në pikën kufitare Kapshticë, Korçë, ku gjatë kontrollit në automjet u gjetën dhe u sekuestruan 1072.4 kg lëndë narkotike kanabis.

 

Në gusht të 2020 SPAK mbylli hetimet për grupin e trafikantëve Bashkim Murataj, Gentian Ramadani, Adrian Sako, Zija Hidri, Andrea (Renato) Muço e Mariglen Sako.

Ndajeni këtë artikull me të tjerë duke klikuar ikonat më poshtë