Veçanërisht i rrezikshëm ishte udhëtimi që vendosën të bënin ilegalisht tre emigrantë afrikanë, të cilët për t’u larguar nga vendi i tyre i hipën timonit brenda një cisterne, pikërisht mbi vijën ujore.

Tre emigrantët u shpëtuan nga roja bregdetare spanjolle teksa hipnin në cisternën e naftës dhe kimikateve me flamur maltez, Alithini II.

Rojet bregdetare spanjolle publikuan një foto ku shihet sipërmarrja e guximshme e tre emigrantëve.

Alithini II mbërriti në Las Palmas në Ishujt Kanarie të hënën në mbrëmje, pas një udhëtimi 11-ditor nga Lagos në Nigeri, sipas faqes së internetit të gjurmimit të anijeve Marine Traffic.

Oficerët e rojes bregdetare më pas panë tre persona dhe i shpëtuan. Emigrantët u dërguan në port dhe iu dha ndihma e parë, ndërsa u kontrolluan për dehidrim dhe hipotermi.

“Nuk është hera e parë dhe nuk do të jetë e fundit. Kontrabandistët nuk kanë gjithmonë të njëjtin fat”, komentoi Txema Santana, gazetare dhe këshilltare për imigracionin në qeverinë e Ishujve Kanarie.

Kalimet e rrezikshme po shtohen

Në të njëjtën kohë, kalimet e rrezikshme nga Afrika e Veriut në Ishujt Kanarie janë rritur në mënyrë dramatike që nga fundi i vitit 2019, pasi kontrollet në rrugët e Mesdheut u shtrënguan.

Në tetor 2020, katër persona hynë në timonin e një cisterne nafte dhe u fshehën për dhjetë ditë përpara se të dalloheshin nga policia ndërsa anija po hynte në Las Palmas.

Në pesë muajt e parë të vitit 2020, shifrat nga autoritetet spanjolle tregojnë një rritje prej 51% në flukset e migracionit detar.

Mijëra emigrantë vdesin çdo vit duke u përpjekur të largohen nga vendi i tyre, me shumë të vrarë pasi hipin në varka të dëmtuara prej druri ose gomone.

Subscribe kanalin tonë në Youtube për të mos humbur asnjë video të re