Për më shumë se 5 orë ish-zv.kryeministri Arben Ahmetaj ka qenë në Prokurorinë e Posaçme SPAK.
Në përfundim, ai nuk pranoi të flasë për gazetarët, por tha shkurt se para prokurorëve “ka sqaruar pozicionin e tij”.
Ndërkohë i pyetur nëse SPAK i ka komunikuar akuzat, Ahmetaj nuk ka dhënë asnjë përgjigje.
Ai është shprehur i gatshëm që të paraqitet edhe herë të tjera nëse do të thirret nga SPAK.
Edhe avokati i tij nuk ka dhënë shpjegim se çfarë ka ndodhur në zyrat e SPAK.
Ahmetaj është vënë nën hetim nga Prokuroria e Posaçme për veprën penale të shpërdorimit të detyrës, korrupsionit, fshehje të pasurisë si dhe ka dyshime për pastrim parash në lidhje me aferën e inceneratorve.
Më herët janë arrestuar ish-ministri Lefter Koka dhe ish-deputeti i PS-së Alqi Ballaku dhe janë shpallur në kërkim tre biznesmenët Mirel Mërtiri, Klodian Zoto dhe Stela Gugalljan.
