Funerali shtetëror i Mbretëreshës Elizabeth II , i cili u zhvillua më 19 shtator dhe ngjarjet e tjera të organizuara në ditët e zisë kombëtare për të nderuar sovranin që vdiq më 8 shtator në kështjellën skoceze të Balmoral, u kushtuan taksapaguesve britanikë rreth 162 milionë paund. (186 milionë euro ).
Kjo është bërë e ditur nga Ministria britanike e Thesarit, sipas së cilës shpenzimet kryesore janë mbuluar nga Ministria e Brendshme për 74 milionë paund (85 milionë euro).
Ministria e Brendshme ishte përgjegjëse për sistemin kompleks të sigurisë për të lejuar, ndër të tjera, liderët ndërkombëtarë dhe krerët e kurorëzuar të merrnin pjesë në ceremoninë e varrimit në Westminster Abbey, si dhe qindra mijëra persona te tjere për t’i bërë nderimet e tyre arkivolit të sovranit në dhomat e funeralit u organizuan në Londër në Westminster Hall dhe së pari në Katedralen St. Giles në Edinburg.
Departamenti i Kulturës, Medias dhe Sportit kontribuoi me 57 milion £ (65 milion €). Sipas Zëvendës Sekretarit të Thesarit, John Glen, “përparësia e qeverisë ishte që këto ngjarje të zhvillohen pa probleme”, “duke garantuar sigurinë e publikut”.
Shifrat zyrtare mbi kostot e kurorëzimit të mbretit Charles III që u bë më 6 maj nuk janë bërë ende të ditura , por sipas grupit antimonarkist Republic, ato do të ishin të paktën 100 milionë paund (115 milionë euro).
