Një furgon me 20 emigrantë të paligjshëm brenda është kapur në afërsi të qytetit të Korçës, më konkretisht në fshatin Drenovë.
Drejtuesi i mjetit, sapo ka pikasur prezencën e policisë është larguar nga vendi i ngjarjes, duke e lënë në mjet emigrantët që po i transportonte drejt kryeqytetit.
Policia e Korçës ka bërë të mundur identifikimin e drejtuesit të mjetit ndërkohë që po punon për kapjen e tij.
Nga ana tjetër emigrantët e paligjshëm janë transportuar në drejtorinë e kufirit për procedura të mëtejshme.
