Një bandë grabitësish është shkatërruar në Torino, ku pas hetimeve u zbuluan së paku 17 raste grabitjesh në banesa.
Në pranga janë vënë disa anëtarë të bandës, shqiptare dhe italiane, por ende nuk bëhen të ditur emrat e tyre.
Mediat fqinje shkruajnë se ata shkonin nëpër banesa, që i piketonin që më parë, duke përfituar nga momentet e natës, kur pronaret ishin në gjumë.
[youtube https://www.youtube.com/watch?v=kYTRmD1w0wk]
Kryesisht grabisnin banesa që ishin disi të izoluara, për të mos u parë nga persona të tjerë, ndërkohë që me vete mbanin shkopinj dhe thika që të vepronin nëse diktoheshin nga pronarët e shtëpive.
Policia ka dokumentuar 17 raste grabitjesh në Torino, në provincat e Biella, Novara dhe Perugia.
Ata merrnin nga banesat sende floriri, ora, bizhu dhe para të thata, shpesh edhe makinat dhe largoheshin.