Të tjera detaje kanë dalë nga ngjarja në Bulqizë, ku gazetari i News 24 u përzu nga takimi elektoral që zhvillonte ministrja Belinda Balluku në Bulqizë.
Ai u përzu nga takimi elektoral nga truproja i Ballukut, i cili sipas tij, ka tentuar edhe ta dhunojë.
Në rrëfimin e tij, gazetari shprehet se ka shkuar në takim si qytetar i thjeshtë dhe është pyetur se për kë voton, e më pas truproja ka tentuar ta sulmojë.
“U futa brenda nuk kisha as kamera dhe pasi shoqëruesi i Ballukut më doli para dhe më bllokoi rrugën. Më tha “Kush je? Ku shkon? Me kë parti je?”. I thashë që vota është e fshehtë. Unë do futesha brenda si banor.
Turpëroja, pasi i thashë që do futem brenda më tha kush je, i tregova emrin dhe i thashë që jam banor I qarkut Dibër. Në atë moment kam ndezur celularin dhe kam regjistruar bisedën që bëra. Ai nuk fliste por bënte gjeste me duar. Ai është i shëndoshë, i veshur me rroba të zeza. Ai tentoi të më qëllonte, unë nuk isha si gazetar, por si qytetar i thjeshtë”, tha Doçi.