“Më ktheni paratë, janë pensioni i prindërve”, GJKKO rrëzon kërkesën e Enkeleda Hoxhës

enkeleda-hoxha.jpg

Ndajeni këtë artikull me të tjerë duke klikuar ikonat më poshtë

Gjykata e Posaçme rrëzon kërkesën e Enkeleda Hoxhës, ish-gjyqtaren e Krujës e cila kërkonte kthimin e vlerës monetare të sekuestruar në banesën e saj gjatë kontrollit disa muaj më parë.

Sipas pretendimeve të ish gjyqtares, lekët e sekuestruara janë pensione dhe kursimet e prindërve dhe u duhen atyre për nevoja jetike.

Në seancë ka qenë e pranishme edhe vetë gjyqtarja e cila mes lotësh ka deklaruar se fëmijët dhe prindërit e saj janë në kufijtë e mbijetesës.

Ndërsa prokurorët kërkuan rrëzimin e kërkesës, gjë që u pranua nga Gjykata e Posaçme.

Enkeleda Hoxha u arrestua me kërkesë të Prokurorisë së Posaçme pasi dyshohet se me nëntë persona të tjerë kishin ngritur një skemë përmes të cilës ulnin dënimet ose lironin nga burgu të dënuar për vepra të rënda penale. Mes të arrestuarve janë, avokati Aldo Tabaku si edhe sekretarja e Gjykatës së Krujës, Manuela Mallakuçi.

Ndajeni këtë artikull me të tjerë duke klikuar ikonat më poshtë