Një bandë shqiptare e cila kryente grabitje është goditur nga Policia e Katalonjës.
Policia vendase ka bërë me dije se në pranga ka vënë 4 shqiptarë të moshave 32 dhe 34 vjeçare. Ata dyshohet se janë pjesë e një grupi që kanë kryer 27 plaçkitje shtëpish.
Hetimet kishin nisur në muajin nëntor 2019, pasi në lagjet Baix Llobregat Osona dhe Valles Oçidetal u raportuan disa vjedhje që i bënë përshtypje policisë.
Pas nisjes së hetimeve, u zbulua se një grup kriminal i përbërë nga 6 persona ndiqnin gjithnjë një skemë të njëjtë grabitje.
Ata parkonin makinën në një vend me errësirë nga ku më pas prej saj dilnin 3 persona të veshur me rroba të zeza. Pasi realizonin objektivin, ktheheshin në një banesë në lagjen Calaf Perafita të Barcelonës.