Subscribe
Fermerët e zonës së Roskovecit, e Nihur për kultivimin e ullinjve këtë vit do të përballen me humbje të mëdha financiare për shkak të prodhimit të pakët.
Ata shprehen se prodhimi është pakësuar për shkak të kushteve të pafavorshme atmosferike .
Ky vit është problematik se nuk do mund të mbulojmë dot as shpenzimet e mëdha që nevojiten për mirërritjen e kësaj kulture nëpërmjet së cilës sigurojmë jetesën.
Të gjithë fermerët e kësaj zone e kanë të lidhur jetesën me prodhimin e ullirit teksa theksojnë se edhe prodhimi i madh i vajit gjatë vitit te kaluar nuk u erdhi në ndihmë, pasi u detyruan ta shesin shumë lirë.
Plehrat qe duhen për ullinjtë janë shumë të shtrenjtë dhe zona jonë nuk është ndihmuar fare në këtë aspekt.
Përballë kësaj situate ata kërkojnë më shumë mbështetje nga shteti për subvencione për të cilat kanë aplikuar , por nuk kanë përfituar.
Ata kërkojnë gjithashtu që institucionet të kontrollojnë tregun e pesticideve, pasi sipas tyre ka abuzime me çmimet.
