Instituti i Statistikave bëri të ditur se hyrja e shtetasve shqiptarë dhe të huaj nga janari në qershor, është dukshëm më e madhe se e njëjta periudhë e një viti më parë, por me rritje edhe në raport me 2019-ën.
Në qershor kanë hyrë 1.3 milionë shtetas, ku 900 mijë janë të huaj. Krahasuar me një vit më parë, rritja vetëm këtë muaj llogaritet në 44%.
Ndërsa në 6 muaj, në shqipëri hynë 4.8 milionë persona dhe rritja arrin deri në 51%.
Të dhënat tregojnë se hyrjet më të shumta kanë qenë nga Greqia dhe Kosova.
Shifrat e Instat konfirmojnë gjithashtu një trend pozitiv të ecurisë së sezonit turistik me një numër më të madh të vizitorëve dhe pushuesve.
