Ditën e djeshme Shqipëria bën prezantimin e saj të parë në Lojërat Olimpike Dimërore në Korenë e Jugut. Ndoshta moti shumë i ftohtë do ta shtyj këtë event përtej 2 javëshit të përcaktuar në nisje të tij. Por për Suella Mëhillin, flamurmbajtësen e Shqipërisë në këtë eveniment është shtytur dy herë gara për sllallomin gjigand për femrat që u zhvillua dje.
Në garën e parë Suela u rendit e 60të mes 81 pjesëmarrësve me një kohë 1min, 24 sek, 67 të qindtat. Me këtë kohë skiatorja 24 vjeçare kaloj në raundin e dytë të garës. Ishin 7 vende të përfituara dhe 3 me një kohë tre sekonda më të shpejtë që tregoj përmirësimin e kohës që ajo bëri.
Por vlonjatja ka përmirësim krahasuar me Lojërat Olimpike të para 4 viteve në Rusi kur ajo përfundonte e 60 ndërsa këtë herë e 53. Të premten Suela do të konkurroj sërish në Sllallom një garë e planifikuar për datën 14 shkurt por për shkak të klimës u shty sërish.
Skiatori tjetër shqiptar Erjon Tola pret dy prezantimet e tija në datat 18 dhe 22 shkurt dhe pritet një përmirësim në kohën e tija krahasuar me sllallomet në “Soçi 2014’’.
Ndërkohë dje në Lojërat Olimpike Dimërore ka bërë prezantimin për herë të parë edhe Kosova falë Albin Tahirit. Tahiri në ditën e 29 vjetorit të tij ai ka garuar në garën e lëshimit, të cilën e ka përfunduar i 50 në 57 anëtar. Por kjo ishte gara e dytë Tahirin, i cili mori pjesë edhe në kombinim alpin ku ai e përfundon i 37ti.